Andres Bonifacio: Mararahas na manga Anak ng Bayan

Ang proklamasyon ni Generallissimo Andres Bonifacio y de Castro na nagpapakita ng KARANGALAN ng KATIPUNAN habang nakikibaka para sa kalayaan ng ating lahi. Unlike the debased war conduct of the colonial Spaniards.

Sa kasamaang palad, ilang linggo pa lamang siya ay dinaya, inagawan ng kapangyarihan at pinatay ng mga gahaman/hindi tunay na nagmamahal sa bayan.

KKK Logo drawn by
Supremo Andres Bonifacio

 Andres Bonifacio: Mararahas na manga Anak ng Bayan Undated proclamation, circa March 1897

Ang inyong ipinakilalang katapangan sa pakikihamak sa kaaway na mga kastila buhat pa ng simulan itong panghihimagsik, ay siyang nagsasabing mataas na di ninyo ikinasisindak ang ugong ng paghahanda at pagsalakay dito ng hukbong akay ni Polavieja, na sa kaunting panahon ay nagpakilala na ng malabis na kaduagan at hamak na kaasalan ng alipin sa kanyang pagpapahirap at malimit na pagpatay sa makapal na kalahing hindi nagsisilaban. Yaong pagpapasunog nito sa mga bayan, yaong paglapastangan at pagdungis sa capurihan ng mga babai na di pinacundanganan ang canilang cahinaan, yaong pagkitil ng buhay ng mga matatandang hindi na macausad at sangol na sumususo pa, na cailan may hindi aasalin at gagawin ng sino pa mang lalaking may puri at may tapang, ay humihingi ng isang masiglang paghihiganti at matinding caparusahan.

Sa inyong pamimiyapis mangyayaring abutin ang cayo'y tanghalin bangkay sa gitna ng parang ng pakikidigma; nguni't ito'y isang kapurihang inyong maipamamana sa ating Bayan, sa ating lahi, at sa ating angkan.

Ang inyong mapupugtong hininga, ay siyang magbibigay buhay sa ating Bayan at siyang matamis na alaala sa gunita ng inyong mga kapatid na maiiwan.

Dapat naman ninyong mabatid, na ang kadahilanan ng ating paggugugol ng lalong mahalaga sa loob at sampu ng ingat na buhay, ay ng upang tamuhin at kamtan yaong linalayong Kalayaan ng ating Bayang tinubuan na siyang magbibigay ng buong caguinhawahan at magbabangon ng ating kapurihan na ilinugmok ng kaalipinan sa hukay ng kadustaang walang makatulad.

Sasagi kaya sa inyong loob ang panlolomo at aabutin ang panghihinayang na mamatay sa kadahilanang ito? hindi! sapagka't nakikintal sa inyong gunita yaong libolibong kinitil na buhay ng mapanganyayang kamay ng kastila, yaong daing, yaong himutoc at pananangis ng mga pinapangulila ng kanilang kalupitan, yaong mga kapatid nating nangapipiit sa kalagimlagim na bilanguan at natitiis ng walang awang pagpapahirap, yaong walang tilang pag agos ng luha ng mga nawalay sa piling ng kanilang mga anac, asawa at matatandang magulang na itinapon sa iba't ibang malalayong lupa at ang katampalasang [?] pagpatay sa ating pinakaiibig na kababayan na si M. Jose Rizal, ay nagbukas sa ating puso ng isang sugat na kailan pa ma’y di mababahaw. Lahat ng ito ay sukat ng magpaningas sa lalong malamig na dugo at magbunsod sa atin sa pakikihamok sa hamak na kastila na nag bibigay sa atin ng lahat ng kahirapan at kamatayan.

Kaya mga kapatid, igayak ang loob sa pakikipaglaban at paasaasahan ang pagtatagumpay, sapagka't na sa atin ang tunay na katuiran at kabanalang gawa; ang kastila, iyang kasuklamsuklam na lahing dito’y napasuot, ang tanging ipinaglalaban, ay ang maling katuirang panggagaga at panlulupig dito sa di nila bayan.

Sa lahat ng ito, ng malubos ang kabanalan at kapuirhan ng ating lahi, ng tanghalin ng Sandaigdaigan ang kamahalan ng ating kalooban, ay huag nating tularan ang kalabang kastila sa pagkahamak ng asal na ugaling gamit sa pakikidigma, huag tayong makipaghamok sa kaibigan lamang pumatay, kundi sa pagtatangol ng Kalayaan ng ating Bayan, at abutin sa mahigpit na pagkakayakap nating mga anak ng Bayan, ay maihiyaw ng buong lakas na Mabuhay! Mabuhay! ang Haring Bayang Katagalugan!

ANDRES BONIFACIO
Maypagasa

Limbagan ni Z. Fajardo sa Malabon ó Mapagtiis

 http://www.filipiniana.net/publication/mararahas-na-manga-anak-ng-bayan-undated-proclamation-circa-march-1897/12791881639128/1/0


English translation here:

kasaysayan-kkk.info

Supremo: "To preserve the sanctity and glory of our race so that the world may recognize our nobility, let us not imitate our Spanish enemies in debasing the conduct of war. "...MORE

 Andres Bonifacio: Mararahas na manga Anak ng Bayan Undated proclamation, circa March 1897 Source: Pedro S. de Achutegui and Miguel A. Bernad, Aguinaldo and the Revolution of 1896: a documentary history (Quezon City: Ateneo de Manila University Press, 1972), pp.329-32. [Tagalog text copied from...MORE

_________


Raw Photo Credit:

http://kasaysayan-kkk.info/gallery.selyos.htm