Ang Karahasan sa Ika-3ng SONA ni BS Aquino at ang Katipunan

Maraming tumuligsa dito sa mga ginawa ng ilang kalalakihan dito sa larawang ito (bahaging itaas). Ikatlong SONA ni "Pangulong" BS Aquino de Hocus Pcos noong Hunyo 23, 2012..... Talaga namang hindi maganda. Subali't hindi naman kaya tulak na sa pader ang mga tao at wala nang mapaglabasan ng kanilang paghihirap at kawalang pag-asa?........... Kung buhay ang tunay na bayaning si Gat Andres Bonifacio, ano kaya ang sasabihin niya?

Hindi talaga mainam ang ginawa ng mga demonstrador dito sa larawan dahil 1) Gastos lang yan pag nasira ang kotse eh bulsa ng taumbayan ang matatamaan at tiyak na may makikinabang na naman sa kick.back kung kailangang ipagawa; 2) Pag nasaktan si mamang pulis ay baka, baka sakali lang na mabait naman siya sa hanay ng mga bulok sa kapulisan; 3) Lahat ng mob actions ay pangit dahil labag sa batas at kaayusan, katulad na lamang ng epal na EDSA 2.

Subalit ano ang gagawin ba kung ang marami sa mga Pilipino ay nagugutom; walang trabaho; walang panlunas sa karamdaman dahil sa direksyon privatization ng healthcare; madalas putol ang kuryente dahil ang presyo nito ay ang isa sa pinakamataas sa buong mundo; o kaya naman ay tinotorture o pinapatay kapag mining activist o human rights defender? Hirayain ninyo na kayo ay isang marginalized, mahirap lamang at nasa kalagayan ng mga tutol sa pagmiminang makakasama sa inyong lugar sa mabundok na kanayunan, halimbawa, subalit military harassment, kundi salvaging, ang pinapalasap sa inyo?

Mukhang marami ang hindi gising o nakakakaalam sa katotohanang masama na ang lagay ng bayan, kabaligtaran ng marami sa pinagsasabi ni "Pangulong" Abs sa SONA. Napakarami ho ng kaso ng nakawan at paghoholdup ngayon, itinatago lamang. Magtanong kayo sa mga kaibigan ninyong pulis at malalaman ninyo na tinatakpan na lamang nila ang mga ganyang pangyayari hangga't maari. Holdup sa fx, holdup o hablutan ng pera sa kalsada pag natiktikan kang nag.withdraw, o akyat.bahay. At urban legend na nga ang kain de PAGPAG. Maliban pa nga sa matinding panunupil ng karapatan, kung hindi ng buhay, sa mga kanayunan pag aktibista ka.

Dapat ngang turuan o hikayatin ang lahat na huwag maging mapanira o manakit pag nagproprotesta. Buhayin ang ethics ng Kataastaasang, Kagalanggalangang Katipunan nang manga Anak nang Bayan (KKK), ang Kartilya para mamuhay tayo ng may paggalang sa isa't isa, kapatiran kumbaga. Ngayon, kung desperado na dahil walang nakikinig o walang tamang pagkilos mula sa pamahalaan, tumingin din siguro tayo sa KATIPUNAN. :)

_______________

P.S.:

Sabi naman sa mga aktibista, kaya nagkagulo ay dahil pinigil/dinisperse ng kapulisan ang rally kahit may permit daw o ayon naman daw  sa batas ang kilos protesta noong SONA. Batay sa ulat ng Bulatlat.com:

“We have all the legal grounds to march to Congress. What was illegal that day were the police barricades, the violent dispersal of our ranks, and the arrest and continued detention of our fellow activist,” Quiza said.

Bayan filed an application for a rally permit with the Quezon City Government ten days before President Benigno Aquino III delivered his third State of the Nation Address (SONA), but the local government did not act upon the petition. Under Batas Pambansa 880, an application is deemed granted if not acted upon within two days.

 http://bulatlat.com/main/2012/07/26/groups-press-for-release-of-activist-condemn-violent-dispersal-of-anti-sona-protests/

Mga larawang galing sa Arkibong Bayan

Mula naman sa Arkibong Bayan ay makikita na ang Pamahalaan ang mas naging marahas, matinding manakit matanggal o mapigilan lang ang protesta laban sa SONA. Namalo lang naman ho sa ulo ang mga pulis ng hindi isa, hindi dalawa, kundi maraming beses. Susmeyo, MASAMA ho ang pamamalo sa ulo dahil nakakasira ito ng grey matter ng utak at pag minalas ay baka makapatay pa. Eto ho ang kuwento ng isang pinagtitira ng mga pulis:

Ang lakas ng mga pulis, ang lakas nila pumalo, napalo nila ako sa ulo ng 3 beses, sa likod ng 12 beses, sa braso ng 6 na beses at nahataw din nila ako ng shield ng 2 beses sa braso. Nasira din nila ang aking damit.

Madami din silang nasaktan at nabato, babae, bata, matanda na higit pa sa sinapit ko. Pero hanggang diyan nalang pala kaya nila, ang manakit at mambato.

Ang hindi nila kaya ay ang ginagawa ng mga dumalo kahapon, ang maghangad ng pagbabago, ang magtanggol sa katarungan at kapayapaan... ang likhain ang isang lipunan kung saan di nagsasamantala ang tao sa tao.

Mga iba pang larawang magpapakita ng kabilang mukha ng naging kaguluhan sa SONA ni "Pangulong"  BS Aquino:

 http://www.arkibongbayan.org/2012/2012-07July23-SONA2012pasismo/stateviolence.htm

__________


Orihinal na larawan:

https://www.facebook.com/photo.php?fbid=428166497236220&set=a.198146146904924.61420.198144786905060&type=1&relevant_count=1

May iba pang larawan mula sa Reuters na maaring makita:

http://news.daylife.com/photo/05RIaVpdQm2pG?__site=daylife&q=manila

Hulyo 7, 1892: Pagkakatatag ng Katipunan

ISANG siglo at dalawampung taon na ang nakakalipas sa araw na ito, noong Hulyo 7, 1892, nang itinatag nila Gat Andres Bonifacio y de Castro ang Kataastaasang, Kagalanggalangang Katipunan ng mga Anak ng Bayan. Sa isang pagpupulong sa Azcarraga St. (na ngayon ay tinatawag na Claro M. Recto Avenue) malapit sa Elcano St. sa Tondo, Manila nila Bonifacio, and kanyang bayaw na si Teodoro Plata, kaibigang Ladislao Diwa, at sina Valentin Diaz at Deodato Arellano ay pinagpasyahan nilang panahon na upang tahakin ang isang daang mas marahas kaysa sa Kilusang Propaganda nila Gat Jose Rizal, Marcelo H. del Pilar, Graciano Lopez Jaena, atbp.

Nakapaloob sa talumpati ng magiging Supremo ng Katipunan, si Gat Bonifacio, ang buod ng mga kadahilanang nagtulak sa pagtatag ng Katipunan.

Mga Capatid:

Tayo'y di mg?a pantás, caya hindî mariringal na talumpatî at dî maririkit na sulat ang ating idaraos; sa gawâ natin daanin: ang catubusa'y hindî nacucuha sa salita ó sa sulat; kinácamtan sa pagsasabog ng dugô."

Talastas na ninyo ang calupitáng guinawâ sa ating capatid na si Dr. Rizal, iya'y maliwanag na halimbawang nagpapakilala sa ating di tayo macaliligtas sa caalipnan cung dî daraanin sa pakikibaca."

¡Sucat na ang pagpapacababà! ¡Sucat na na ang pangangatuwiran! ¡Nangatuwiran si Rizal ay hinuli pagcatapos na mapag-usig ang mg?a magulang, capatid, kinamag-anacan at cacampí!"

¡Sucat na! Papagsalitain natin naman ang sandata! ¿Na tayo'y pag-uusiguin, mabibilango, ipatatapon, papatayin? Hindî dapat nating ipanglumó ang lahat ng? ito, mabuti pa ng?a ang tayo'y mamatay cay sa manatili sa pagcabusabos."

At ng maganap natin ang dakilang cadahilanan ng pagpupulong nating ito'y ating maitayô ang isáng malacás, matibay at macapangyarihang catipunan ng? mg?a anác ng? Bayan."

¡Mabuhay ang Filipinas!!!

                                                                                                             - Andres Bonifacio y de Castro



Sa loob ng apat na taon at dalawang buwan ay itatatag ng Katipunan ang Manghihimagsik na Pamahalaan sa ilalim ni Bonifacio at sisiklab ang HIMAGSIKANG Pilipino.

____


Mga Batis:
Milagros C. Guerrero, Emmanuel N. Encarnacion, & Ramon N. Villegas. Andres Bonifacio and the 1896 Revolution. 16 July 2003. http://www.ncca.gov.ph/about-culture-and-arts/articles-on-c-n-a/article.php?i=5&subcat=13

Pascual H. Poblete. Buhay at Mga Ginawa ni Dr. Jose Rizal. Project Gutenberg, 2006. http://www.gutenberg.org/files/18282/18282-h/18282-h.htm

La Revolución filipina (1896-1898). http://www.museo-oriental.es/ver_didactica.asp?clave=138&loc=0


Photo Art:  Taga-Ilog


BASAHIN din po sana ang:

The Katipunan Founding Speech of Andres Bonifacio. http://blog-by-taga-ilog-news.blogspot.com/2010/11/katipunan-founding-speech-of-andres.html

Ang tunay na 'Tragedy': Ang Bilyon.bilyong Pisong HOCUS PCOS

Para sa ala-ala ni Robin at Maurice ng Bee Gees... AT ang halalan ng Mayo 10, 2010... nang gabing iyon nang kita na ang pandaraya, nasambit ko na 'TRAGEDY... elite control has been sealed tight' with the use of the PCOS machines.

Kapal ng apog ni pekeng "Pangulong" A_Noy  na nagsabi na ang "Tragedy" daw ay ang pagbalik sa manual polls. Ang Halalang Mayo 10, 2010 ho ay naging napakadaya, mas malala pa sa Hello Garci 2004 dahil wholesale kung baga ang pag.doktor sa dapat ay sagradong boto ng taumbayan. Pinaniwalaan ho ito nila Jamby Madrigal, JC de los Reyes, at Nicanor Perlas (at least noong 2010), kabilang ang ilang pangkat ng computer experts at foreign observers.  Ibinunyag din ni Joma Sison kung paano ito nangyari sa antas ng pagplaplano nang sabihin niyang minaniobra ang halalan ng Central Intelligence Agency (CIA) ng Kalbong Agila, Arroyo, at kampo nga ng Aquino. Maging si Pangulong Joseph Estrada, bago ito nag.concede, ay ganito ang paniniwala at sa katunayan nga, ang kampo nito mismo ang nagpauso, kung hindi man unang gumamit, ng katagang "HOCUS PCOS" bilang isang masisteng pangtukoy sa dayaan.

Hindi pa nakontento si BS Aquino sa pagkakaupo niya sa Malacanang sa masamang paraang taliwas sa demokratikong proseso, nais pa nitong ang mga susunod na halalan ay maging katulad ng Mayo 2010 na dinaya via Hocus Pcos. Itinulak nitong anak ni Ninoy at Cory na siguraduhin AES o automated ang sistemang halalan ng bansa--na dali-dali namang inaprubahan naman ng kanyang Korte Suprema. Napakabilis, parang utos ng haring di mababali dahil sa loob lamang ng tatlong araw ay nakuha ni BS Aquino ang nais.

Hunyo 11, 2012 - isang araw bago talakayin ng Korte Supremoa ang mga kaso nagpaparatang na ma.anomalya ang bilyong.bilyong kontrata sa diumano't may diprensiyang vote counting machines, pinagtanggol ni Abs ang PCOS machines. 'May kredibilidad' daw ito at padikta din nitong sinabi na ayaw na daw niyang makarinig ng kahit anong pagtatalo kung gagawing automated o hindi ang halalan. "Tragedy" daw kung babalik tayo sa mano-manong paghalal ng mga pinuno ng pamahalaan. Inutusan din niya ang Commission on Elections o Comelec na siguraduhing hindi na babalik sa mano-manong sistema, partikular para sa halalan sa 2013.

Hunyo 12, 2012 - Madaliang itinalakda ng tumatayong Punong Hukom ng Korte Suprema na si Antonio Carpio ang mga petisyon laban sa paggamit ng PCOS machines na bibilhin sa halagang

- Sinusugan din ng mga alipores ni 'Pangulong' BS Aquino sa Kongreso ang direktiba nito sa pamamagitan ng pagtutulak sa Korte Suprema sa paggamit ng PCOS machines. Ayon kay Ben Evardone, mambabatas mula Silangang Samar at pinuno ng komite sa pampublikong impormasyon sa Mababang Kapuluan, ang mga petisyon laban sa plano ng Comelec na bumili ng PCOS machines ay maikakalendaryo nito habang idinagdag na kailangan ang pasya nito dahil nakakatakot daw na bumalik ang Pilipinas sa mano.manong pagbibilang ng mga boto.

Hunyo 13, 2012 - Sa botong 11-3, inilabas ng Korte Suprema ang hatol na nagbabasura sa apat na petisyong tumututol o humahamon kung may bisa ang desisyon ng Comelec na bilhin ang bilyon.bilyong piso PCOS machines para sa halalan sa susunod na taon. Isa sa mga argumento ng nagpepetisyon laban sa PCOS machine ay ang hindi pa natatamang depekto nito na madaling nagpapasok ng dayaan.

Yuyurakan na naman nga ang tinig ng taumbayan ay kikita ulit ng limpak.limpak silang magkakasabwat sa pagluto ng pagbili sa basurang PCOS. Ang tawag diyan ay paggisa sa sariling mantika. Ito ang tunay na "Tragedy"--ang madalian at profitable.sa.mga.Dilaw na pang pagyurak sa kasagraduhan ng balota at pagbaboy sa karapatang ng taumbayan na marinig at mabilang ang bawat boto nila. Kung ang panibagong sukdulang kawalanghiyng ito ay pababayaan na naman ng taumbayan ay para na rin namting sinabi ng likas nga sa mga Pilipino ang mandaya o pabayaan ang pandaraya, ang manapak ng tinig ng bayan.

Napakahaba na ng litanya ng pandaraya at pang.gagantso sa taumbayan... mula pa Kumbensyong Tejeros hanggang ngayon. Aba eh kung wala nang pagasang malunasan itong matinding kasalanan na ito labang sa Inang Bayan ay mainam pa sigurong tigilan na natin ang paghahangad na mangibabaw ang moral o ang tama at imbes ay sumama na lang tayong lahat sa panloloko sa masa, sa isa't isa parang mas masaya!:)





_________


Mga Batis:

Estrada camp, others warn of massive poll fraud. May 14, 2010. http://taga-ilog-news.blogspot.com/2010/05/estrada-camp-others-warn-of-massive.html


Foreign Powers Coercing the Filipino Masses for a Noynoy Aquino "Presidency"? http://jesusabernardo.newsvine.com/_news/2010/05/28/4382462-foreign-powers-coercing-the-filipino-masses-for-a-noynoy-aquino-presidency


High court okays P1.8-B PCOS buy By Benjamin B. Pulta 06/14/2012. http://www.tribuneonline.org/headlines/20120614hea1.html


How Joma Sison first revealed the AQUINORROYO operations behind the May 10, 2010 automated poll fraud. http://blog-by-taga-ilog-news.blogspot.com/2010/06/how-operations-for-aquinorroyo-secret.html


The Impunity of the Pro-Noynoy SWS Survey. http://jesusabernardo.newsvine.com/_news/2010/07/26/4753863-the-impunity-of-the-pro-noynoy-sws-survey


Noynoy, Comelec, allies push SC to OK PCOS. June 13, 2012. http://www.tribuneonline.org/headlines/20120613hea2.html


Noy defends PCOS credibility as SC rules on purchase pleas By Fernan J. Angeles 06/12/2012. http://www.tribuneonline.org/headlines/20120612hea6.html


Hocus PCOS. Ninez Cacho-Olivares. 05/17/2010. http://www.tribuneonline.org/commentary/20100517com2.html


Hocus-PCOS info war. DIE HARD III. Herman Tiu Laurel. http://www.tribuneonline.org/commentary/20100521com5.html


Manalo, Charlie. PMP bares proof of massive fraud. 05/16/2010. http://www.tribuneonline.org/headlines/20100516hed1.html


Perlas, Nicanor. PCOS Machines in Antipolo – The Untold Story Part I. http://blog-by-taga-ilog-news.blogspot.com/2010/06/pcos-machines-in-antipolo-untold-story.html


Why The May 10, 2010 Philippine Polls Failed: The PCOS Forensics. http://jesusabernardo.newsvine.com/_news/2010/07/03/4606536-why-the-may-10-2010-philippine-polls-failed-the-pcos-forensics

.....

Hamong 'SALn Waiver' ni Corona bilang Paglilinis ng Bayan

BENTE-TRES, 20-3, ang hatol ng impeachment court. May sala daw ang Pinuno ng Korte Suprema sa kasong hindi wastong o kakulangan sa pag.disclose ng kanyang ari-arian sa kanyang Statement of Assets and Liabilities and net worth o SALN.

Naalala ko ang sinabi noong Enero ng isang tao na medyo malapit sa akin at nasa periphery of power kumbaga. Sabi niya ay ma.impeach (guilty verdict) daw itong si Corona. Akala ko ay ek-ek lang niya ang mga salitang binitiwan niya. Siya nga rin pala ang taong nagsabi sa akin noong bandang April 2004 na mandaraya ang kampo ni Gloria Arroyo sa halalan ng taong iyon at sana raw 'the country could weather the storm that could follow' o basta malapit doon.

Tama pala siya. Convicted nga si Corona. At mukha daw bang ginapang dahil ilang oras o araw ba bago ang paghahatol ay alam na ng iba na nasa 19 o 20 ang senador na boboto ng 'guilty'? Sabi daw ni Llamas....

Si Corona at si Tabako y Arrobo y EDSA 2

Hinding hindi ko naman gusto itong si Corona. Inis na inis nga ako dito noong maging alipores ni Arrobo sa Malacanang matapos maagaw nila ang kapangyarihan mula kay Pangulong Joseph "Erap" Estrada. Bilang bataan ni Fidel V. Ramos (naging presidential legal counsel pa nito) at Presidential Chief of Staff, tapos Presidential Spokesman at Acting Executive Secretary pa ni Arroyo, sigurado akong may kinalaman ito sa sedisyong-pang.a.agaw-kapangyarihan noong EDSA 2. 

Bwisit na bwisit ako sa kanyang mga ngisi noon lalo na pag tinitira ang kanilang inagawan ng pagkapangulo. Naalala ko nang ginawa siyang Hukom sa Korte Suprema ni Arroyo (noong Abril 2002) ay tuwang-tuwa ang Civil Evil Society pero sa aking isip ay kontrang-kontra ako dahil makakadagdag lang si Corona sa mga dilawang Pilipinong walang paggalang sa Saligang Batas at sa boto ng taumbayan ang hudikatura.

Kaya nga ng mag.umpisa ang impeachment kay Corona sa pagtutulak ni Hocus Pcos "President" BS A_Noy Aquino halos limang buwan na ang nakakaraan, ang posisyon ko ay 'let them box each other till no one's left standing.' Sa tingin ko kasi ay makakaganda sa bayan ang pagu.umpugan ng mga ito. At MUKHANG may nangyari namang maganda dahil sa naging hatol ng Korte Suprema na ibigay na ang Hacienda Luisita sa mga magsasakaw (kahit na may hinihinging kabayaran na dapat ay wala na dahil ilang dekadang overdue ang pagbabahagi nito). 




Hamong "Waiver"

Ngayon, tapos na ang telenobelang impeachment trial ni Corona at tanggal na bale siya, ang mainam sanang mangyari ay ma.pataw sa lahat ang voluntary waiver ng Punong Hukom ukol sa confidentiality ng kanyang mga bank accounts, tax records, and properties. Noong una ay hinamon muna ni Corona ang lahat ng mga mambabatas na nagtulak ng impeachment trial niya at itong hamong ito raw ngayon ay medyo mainit na itinutulak ng mga ordinaryong mamamayan. Ayon sa kanya:

I am humbly asking all 188 complainants from the House of Representatives...and Sen. Franklin Drilon to join me in this moment of truth as a gesture of transparency and reconciliation of the Filipino people. I am asking them to sign these blank forms and join me sapagkat hiling po ito ng bayan. Let us face the people together....

Magiging mainam para sa bayan ang paglilinis at hindi persecution ng isa o ilang tao lamang. Dapat LAHAT silang mambabatas at mga halal ng bayan ay maging bukas ang rekord pagdating sa kanilang mga ari-arian. Kasama si "Pangulong" BS Aquino, kabilang ang lahat ng luma at bagong mga dokumento ukol sa pagiging bahaging may-ari niya ng Hacienda Luisita.

... pero talaga nga bang hindi moro-moro lang lahat ng away daw ni A_Noy at Corona/kampo ni Arroyo samantalang hindi naman tunay na umuusad ang paghahabol sa mga pagnanakaw ng pera at boto ni EDSA 2-cum-Hello Garci former "President" na si Gloria?

Anupaman, may PETISYON ho para sa pagtutulak ng hamon upang pirmahan ng mga opisyal ng pamahalaan ang waiver patungkol sa confidentiality ng kanilang mga ari-arian:

188 Philippine Congressmen and Sen. Franklin Drilon: Accept the challenge: Sign the Waiver!

http://www.change.org/petitions/188-philippine-congressmen-and-sen-franklin-drilon-accept-the-challenge-sign-the-waiver

_____


References:

Manalo, Charlie. "Your Move." The Daily Tribune. 24 May 2012. http://www.tribuneonline.org/commentary/20120524com5.html

Supreme Court of the Philippines. Justice Renato C. Corona. http://sc.judiciary.gov.ph/justices/j.corona.php

 

—